Mel de Galicia

Mel de Galicia é un produto natural e fresco que se elabora de forma artesanal

Este Consello Regulador é o que máis mel certifica en España, representando o 58% do total certificado no país. Mel de Galicia destaca polo seu alto contido en antioxidantes e vitamina C, froito duns florais irrepetibles que lle dan un perfil organoléptico único. A tradición artesanal dos apicultores, xunto con esta flora diversa, permite a elaboración de meles monoflorais de breixo, castiñeiro, silva e eucalipto, así como meles de bosque e multiflorais que destacan pola súa calidade e sabor.

Tipos de mel

Consello Regulador

O Consello Regulador da Indicación Xeográfica Protexida Mel de Galicia é o organismo ao que se atribúe a xestión da denominación e o que se encarga de controlar, amparar e certificar o “Mel de Galicia”, identificando esta certificación coa súa contraetiqueta correspondente, que é o aval de que esta mel cumpre con todos e cada un dos requisitos de calidade reflectidos no prego de condicións.

Catas oficiais de Galicia

Para premiar a excelencia do noso agro, a Consellería do Medio Rural, en colaboración cos consellos reguladores das catro denominacións de orixe protexidas de queixos galegos e da Indicación Xeográfica Protexida Mel de Galicia, celebra anualmente as Catas de Galicia, unhas distincións ateigadas de orgullo por dúas das producións máis senlleiras da nosa terra: o queixo e o mel.

Con estes galardóns recoñécese o saber secular de produtores e elaboradores galegos, o seu sacrificio, esforzo e bo facer á hora de ofrecernos produtos de gran personalidade e calidade.

Sen dúbida algunha, os meles e os queixos acollidos ás indicacións xeográficas protexidas e denominacións de orixe protexidas de Galicia, son xoias culinarias dignas de encomiar e preservar.

Rica en minerais, vitaminas e proteinas, o auténtico ouro doce da natureza

Receitas

Alimenta un modo de vida

Utiliza Mel de Galicia para adozar os teus mellores momentos. Aquí ensinámosche algunhas formas creativas de usalo no teu día a día.

Falso coulant de iogur ecolóxico e Mel de Galicia

Xarda con Mel de Galicia e repolo ao fume das herbas de San Xoán

Coñece máis formas de alimentar o teu modo de vida